Broken Bass

Ja! Punk isch nid progressiv. Aber mä cha das Genre wo Broken Bass spiut schlächt anders zämefasse. Sie mache ä Mix us Thrash Metal, Nu Metal, Punkrock, Progressive Rock und vielem meh. Und das aus mit sozialkritische und diräktä Texte, natürlech uf Bärndütsch. Die vier Jungs hei scho fasch 20 Jahr gmeinsami Bühneerfahrig wo über d Bandgründig usgeit. Sie spilä interaktivi Konzärt wo z Publikum zum Poge u mängisch oh zum Küsse ahregt. Bi schweisstribende Konzärt, Festivals und Openairs si sie dehei und fühle sech uf dr Büni am wöhlschte. Uf ihrem Wäg a die grosse Festivals hei sie under anderem ir Metbar z Lenzburg, am Mad Muni Festival in Saanen oder am Rox am See in Spiez dörfe fiire.